ಮಿಸ್ ಲೀಲಾವತಿ : ದೋಣಿ ಸಾಗಲಿ ಮುಂದೆ ಹೋಗಲಿ : Doni Sagali Munde Hogali

ಹಾಡು: ದೋಣಿ ಸಾಗಲಿ ಮುಂದೆ ಹೋಗಲಿ 
ಚಲನಚಿತ್ರ: ಮಿಸ್ ಲೀಲಾವತಿ 
ಸಂಗೀತ ನಿರ್ದೇಶಕರು: ಆರ್. ಸುದರ್ಶನಂ
ಕವಿ: ಕುವೆಂಪು
ವರ್ಷ: 1965
ಹಾಡುಗಾರರು: ಎಸ್. ಜಾನಕಿ, ರಾಮಚಂದ್ರ ರಾವ್
ಪಾತ್ರದಾರಿಗಳು: ಜಯಂತಿ, ರಮೇಶ್, ಅಶ್ವಥ್, ನರಸಿಂಹರಾಜು
ಚಿತ್ರದ ನಿರ್ದೇಶಕರು: ಎಂ. ಆರ್. ವಿಠಲ್
ನಿರ್ಮಾಪಕರು: ಕಲಾಜ್ಯೋತಿ

ದೋಣಿ ಸಾಗಲಿ ಮುಂದೆ ಹೋಗಲಿ 
ದೂರ ತೀರವ ಸೇರಲಿ 
ಬೀಸು ಗಾಳಿಗೆ ಬೀಳುತೇಳುವ 
ತೆರೆಯ ಮೇಗಡೆ ಹಾರಲಿ ||ಪ||

ಹೊನ್ನಗಿಂಡಿಯ ಹಿಡಿದು ಕೈಯೊಳು ಹೇಮವಾರಿಯ ಚಿಮುಕಿಸೆ 
ಮೇಘಮಾಲೆಗೆ ಬಣ್ಣವೀಯುತ ಯಕ್ಷಲೋಕವ ವಿರಚಿಸೆ 
ನೋಡಿ ಮೂಡಣದಾ ದಿಗಂತದಿ ಮೂಡುವೆಣ್ಣಿನ ಮೈಸಿರಿ 
ರಂಜಿಸುತ್ತಿದೆ ಚೆಲುವೆಯಾಕೆಗೆ ಸುಪ್ರಭಾತವ ಬಯಸಿರಿ ||೧|| 

ಕೆರೆಯ ಅಂಚಿನ ಮೇಲೆ ಮಿಂಚಿನ ಹನಿಗಳಂದದಿ ಹಿಮಮಣಿ 
ಮಿಂಚುತೀರ್ಪುವು ಮೂಡುತೈತರೆ ಬಾಲಕೋಮಲ ದಿನಮಣಿ 
ಹಸಿರು ಜೋಳದ ಹೊಲದ ಗಾಳಿಯು ತೀಡಿ ತಣ್ಣಗೆ ಬರುತಿದೆ 
ಹುದುಗಿ ಹಾಡುವ ಮತ್ತ ಕೋಕಿಲ ಮಧುರ ವಾಣಿಯ ತರುತಿದೆ ||೨|| 

ದೂರ ಬೆಟ್ಟದ ಮೇಲೆ ತೇಲುವ ಬಿಳಿಯ ಮೋಡವ ನೋಡಿರಿ 
ಅದನೆ ಹೋಲುತ ಅಂತೆ ತೇಲುತ ದೋಣಿಯಾಟವನಾಡಿರಿ 
ನಾವು ಲೀಲಾಮಾತ್ರ ಜೀವರು ನಮ್ಮ ಜೀವನ ಲೀಲೆಗೆ 
ನೆನ್ನೆ ನೆನ್ನೆಗೆ ಇಂದು ಇಂದಿಗೆ ಇರಲಿ ನಾಳೆಯು ನಾಳೆಗೆ ||೩||

Labels: Doni Sagali Munde Hogali, Miss Leelavati, R. Sudarshanam, KuVemPu,  1965, Jayanti, Ramesh, Ashwath, Narasimha Raju